Ta sondea forma pa conecta fietspad di green corridor y linear park

ORANJESTAD –Gobierno di Aruba ta sondea forma pa conecta fietspad di Green Corridor y Linear Park. Diahuebs mainta Prome Minister Mike Eman y Minister di Infrastructura Benny Sevinger a reuni cu representantenan di Grupo Odinsa pa haya un actualisacion di e progreso. Ta aki ta unda cu e prome mandatario a indica na e desaroyando di e proyecto su deseo di por conecta e fietspad cu e extremo mas pariba di Linear Park y asina ofrece mas oportunidad na e miles di persona cu ya ta uza esaki tur dia. Esaki ta algo cu ta bay consulta y coordina cu Departamento di Obranan Publico (DOW).

CONECTA FIETSPAD 

Un canal di 5 meter hancho ta un parti relevante den e proyecto, pasobra ta regarda e aspecto social caminda ta brinda comunidad un espacio pa recrea y haci movecion den un ambiente sigur y agradabel. Aki por cana y jog, pero tambe core bicicleta of djis sinta den espacionan rondona pa flora, cu ta keda preserva. Prome Minister a indica na e desaroyado di e proyecto su deseo di por conecta e fietspad cu e extremo mas pariba di Linear Park y asina ofrece mas oportunidad na e miles di persona cu ya ta uza esaki tur dia. Esaki ta algo cu ta bay consulta y coordina cu Departamento di Obranan Publico (DOW).