ODINSA: Reto mas grandi pa Green Corridor tabata e legislacion

ORANJESTAD – Cada proyecto di su particularidad y dificultad. Den caso di e proyecto grandi di Green Corridor, esaki tabata e parti di legislacion. Na palabra ta Carlos Zubieta, director di Odinsa, e compania cu ta encarga cu e proyecto. Ta dificil segun Zubieta, pa compara un proyecto cu otro pasobra nan ta mas compleho cu otro. “Nos a encontra algun particularidad si, cu ta merece conocemento di cosnan cu nunca nos no a encontra”. Aki ta unda cu Zubieta ta referi na e aspecto di legislacion.

INFLUENCIA EUROPEO

Aruba ta un di e paisnan Latino Americano cu tin mas influencia legal di Europa, y e legislacion den henter Latino America ta influencia pa Merca. “Como tal nos mester a siña haci e relacion ey. E la enrikece nos y na final cu e apoyo di gobierno, nos a logra yega leu” Zubieta a bisa. E parti legal, di normanan, legislacion, tur esey. Aparentemente ora cu construi na paisnan Latino Americano, no ta necesario pa tin tanto legislacion pa cierto construccion. Aki esey ta diferente y como tal e tabata un experiencia nobo pa e compania di construccion colombiano.