Reunion tripartiet no a sigui mas awe

ORANJESTAD - E reunion tripartiet parlamentario cu mester a cuminsa awe na Aruba, a keda cancela. Esaki pa motibo cu e delegacion di St Maarten no por a bin mas. "Como tal a dicidi di cancel'e. E lo tuma lugar awor riba un otro fecha" e presidente di parlamento Marisol Lopez Tromp a bisa NoticiaCla.com awe mainta tempran. 

AGENDA

E agenda tabata uno interesante cu lamentablemente pues no ta sigui. Entre e temanan cu lo mester a keda trata e siman aki tabata manera e "areglo pa atende cu conflicto" entre paisnan di Reino. (Geschillenregeling) E tema aki tin decadanan den discucion den Reino. Otro temanan riba agenda ta entre otro e cooperacion riba tereno economico, con ta haci e biahamento entre e seis islanan mas facil. E tema di e areglo pa atende cu conflicto ta esun mas importante sin duda, pero tur tin cu warda awor. NOTA: E foto ta di archivo di NoticiaCla.com di e reunion di IPKO cu a wordo teni na mei ultimo. Den IPKO, Hulanda tambe ta participa.