Implementacion ley di cacho practicamente paralisa

ORANJESTAD — Casi un aña despues di su introduccion, e implementacion di e ley di cacho ta practicamente para. Cu excepcion di algun multa na Santa Cruz, ta na Noord so tin control continuo di polis. For di partner di NoticiaCla.com, Ret Karibense, ta papia cu e veterinario Pieter Barendsen, cu ta presidi e plataforma ley di cacho y tambe ta papia cu e bario regiseur Klaas Meijerhof, cu a tuma e control di ley di cacho na Noord pa su cuenta. Pa motibo di falta di personal y otro prioridad, e control tambe ta practicamente para, segun e raportahe.

IMPLEMENTACION DI E LEY

Na januari di e aña aki e ley a keda implementa na Aruba. Doñonan di cacho mester tene nan cacho den cura, cuida nan bon y duna nan di come.

CUIDO

E control di e ley a bin cay den man di polis. Cada districto a haya man liber pa riba propio consenshi, controla si e doñonan di cacho tabata tene nan mes na e regla. Esey ta sosode tambe na Noord, aunke cu tin un escases grandi di personal.

CONTROL

Pero awor cu e atencion di polis mester ta mas dirigi na e aumento di ladronicia, e control riba e ley di cacho a para temporalmente. Meijerhof a bisa cu for di comienso di otro aña, lo por cuminsa atrobe cu e controlnan regular den bario.

MULTA

Segun Barendsen, comienso di otro aña lo tene un evaluacion unda cu lo pidi pa tin control riba henter e isla. Tambe polis mester por boet nan mesora, locual no ta pasando awor ainda.

Autor y foto: Ariën Rasmijn. Caribisch Netwerk.