Marina Hulandes a intercepta 1250 kilo di cocaina den un luna

ORANJESTAD – E bapor di marina Hulandes Friesland fin di siman pasa a logra gara 515 kilo di cocaina 35 miya sur di Republica Dominicana, ora cu el a intercepta un ‘go fast’. Esaki ta e di tres intercepcion e luna aki caba, pa cual awor e conteo di droga captura ta na 1250 kilo di cocaina. E intercepcion a sosode cu cooperacion continuo cu e avion di patruya maritimo Mericano di Customs and Border. Despues cu a gara e go-fast, e tripulacion a purba huy, pero mesora a manda bapornan special FRISC lansa for di e bapor grandi Friesland cu a sa di para e go fast. E personal Mericano abordo di e bapor Mericano a tuma e detencion pa nan encargo y a tuma e posicion di e droga tambe. E detenidonan a wordo entrega na autoridad Mericano.