PwC ta organisa Compliance 2016: Are you up to speed?

ORANJESTAD - PwC Dutch Caribbean ta organisa riba diaranson 18 di november, un seminario titula “Compliance 2016: Are you up to speed?” na Alhambra Ballroom.

CICLO COMERCIAL

E ciclo commercial cu nos ta trata cu ne awendia, ta presenta varios reto. Un di e retonan cu nos ta presenta cu ne ta pa cumpli cu legislacion y regulacion nacional y internacional. Debi na globalisacion y digitalisacion, diferente persona y organisacion ta cuestiona tocante privacidad y seguridad.

SEMINARIO

Durante e seminario “Compliance 2016: Are you up to speed?” PwC lo trece algun di e cuestion nan aki dilanti y lo mantene bo na altura tocante “compliance “di Aruba. Topiconan cu lo ser presenta durante e conferencia lo ta “Compliance related to AML/CFT”, “Compliance of the foreign exchange traffic related to reporting and licenses, “Data protection in Aruba”, “Common Reporting Standards commitment by Aruba” y “EU Savings Directive repealed, consequences in Aruba”. Pa mas informacion tocante e seminario aki, por tuma contacto cu Shanine Oduber via email: shanine.l.oduber@an.pwc.com of via telefoon: +297 522 1647.