Anochi di teror na Paris cu hopi morto

PARIS - Presidente di Francia François Hollande a anuncia cu Francia ta den un estado di emergencia, y a cera frontera te proximo aviso. Tur como medida directo despues di varios atake terorista simultaneo. Tabata durante cuater diferente acto di terror den capital di Francia, cu un total di por lo menos 60 persona a muri diabierna anochi. Entre nan un tiroteo den un restaurant, y un explosion na un stadion unda cu presidente di e pais, Hollande, tabata presente. E presidente a wordo evacua y ta den un area sigur. Noticianan ta poco confuso ainda, pero ta cualificando e anochi caba como un anochi di teror na Paris.