Goeloe: No a logra keda cla pa haya un director nobo pa hospital

ORANJESTAD – Hospital lo mantene nan mesun directornan actual, debi cu no a logra keda cla pa haya un director nobo. Esey tabata e anuncio awe mainta cu presidente di raad van toezicht Gino Goele a bisa den un conferencia di prensa awe mainta. A dicidi despues di 7 luna di negosacion cu ta mantene tanto Ezzard Cilie como Theo de Kool como e directornan di hospital pa e periodo di un aña. Te cu 3 dia pasa tabata negosha ainda pa un director, pero a dicidi e ora cu esaki no a duna su fruto. RvT no por a haya otro cu e candidatonan y a dicidi pues pa keda cu dos director actual. Ta keda cu dos director, esta director pashentenzorg y director financiero, den persona pues di Cillie y de Kool. A dicidi esey door di cu experiencia como RvT den e delaster aña hopi cos a sosode y positivo. Trahadonan di hospital tambe ta contento cu e desicion cu RvT a tuma. Motibo principal pa no por a sigui, tabata den e fase di condicion di trabou, cu e problemanan. "Por lo pronto, pa algun aña, lo no busca pa un director nobo" Goeloe a bisa. E posicion di director general ta keda pendiente e ora. Cillie ta continua pa un aña mas.