Reino Hulandes ta derota Italia 16-1 den torneo Premier 12

DOULIOU CITY – Es seleccion di Reino Hulandes di baseball a logra su victoria di mas grandi den e torneo di Premier 12 na Douliou City. Despues di a cay venci contra Cuba un dia prome, nan ta bin bek y ‘vapulea’ e seleccion di Italia cu e score di 16-1 den apenas 7 inning. E ekipo oraño a produci no menos cu 3 homerun den e wega. E Arubiano Randolph Oduber tabata e strea bateador cu otro homerun riba su nomber.

CHANCE PA AVANSA

Cu e di tres derota, Italia ta practicamente elimina di e campeonato Premier 12. E ekipo di Reino Hulandes tin un lugar den e cuarto di final despues di dos wega gana, ainda den bista. Si nan gana diasabra contra Puerto Rico, nan ta garantisa un lugar den e proximo buelta. Lesa e relato completo aki. 

 RESULTADO

                         1 2 3 4 5 6 7   R   H   E

NEDERLAND   0 5 1 2 3 4 1   16 17  0

ITALIË              1 0 0 0 0 0 0     1   4   3