Van Heydoorn ta remplasa Koeyers pa MFK den parlamento na Corsou

WILLEMSTAD – Mientras cu ainda no tin un claridad definitivo riba e situacion politico na Corsou, un otro parlamentario di Corsou ta retira. E biaha aki no cu su asiento, sino simplemente ta entrega su posicion, pa motibo di salud. Ta trata di e parlamentario pa partido Movementu Futuro Korsou (MFK) Monique Koeyers. Ku e retiro di Sra. Koeyers-Felida for di Parlamento di Kòrsou, ta trese kuné ku Movementu Futuro Kòrsou (MFK) mester asigná e puesto aki na un otro persona.

PROCESO CU TIN CU TUMA

Konforme e lista elektoral ku MFK a partisipá kuné na elekshon di 2012, e próksimo kandidato pa okupá e funshon aki ta Sra. drs. Dorothy Pietersz-Janga na puesto number 6, aktualmente Dorothy ta funshoná komo presidente di MFK. Debí na su relashon serkano ku su pashèntnan di Banda Abou komo dòkter di kas e no ta haña ku ta prudente pa e drenta Staten na e momentonan aki. Asina a sigui e proceso te ora cu a yega na van Heydoorn. Konsekuentemente Lider Polítiko i Direktiva di MFK a hasi un apelashon riba Sr. Sithree Adalbert van Heydoorn pa okupá e puesto vakante pa MFK den Staten.