Marilyn Moses tambe ta bin cu partido politico nobo

WILLEMSTAD - Marilyn Moses ta bira otro politico cu a anuncia partido politico nobo, banda di ex prome minister Ivar Asjes, cu den fin di siman tambe a confirma participacion di su partido nobo den e proximo eleccion. Tur esaki, mientras cu gobernador Lucille George Wout ta sondea e posiblidad pa un fin di e crisis politico actual. Mayoria di e partidonan cu a sinta cu e gobernador, a inform'e cu e unico solucion pa nan, ta un eleccion nobo. Dos partido cu sigur a confirma esey, ta esun di Pueblo Soberano y MFK. Awe mainta den un programa radial na radio Direct FM, Moses a haci su declaracion di e partido nobo.