Rui hotels a participa den campaña nacional di Limpiesa di Costa

PALM BEACH – Riu Palace Antillas y Riu Palace Aruba a participa den un programa special di limpiesa di playa riba diasabra, 7 di november, como parti di e campaña nacional di limpiesa di costa. Como parti di e iniciativa, e hotelnan a adopta un porcion di e playa y su cercania, situa entre e resortnan na Palm Beach y Amsterdam Manor Resort, den e curason di Eagle Beach.

Gerente General Asistente Vernel Atijera a encabesa un ekipo di empleadonan di hotel energetico di ambos resort pa colecta sushi for di e boulevard relativamente keto situa entre e hotelnan. Adicionalmente, Riu Palace Antillias y Riu Palace Aruba a provee pan cu beleg y fruta na e boluntarionan hambra pa gradici nan pa nan sosten. E Aruba Hotel & Tourism Association (AHATA) y e Aruba Tourism Authority (ATA) conhuntamente ta conduci e campañanan nacional di limpiesa di costa varios biaha pa aña. Hotelnan boluntario ta wordo designa un pida di caminda y ta dedica algun ora di trabou, como parti di nan responsabilidad social. E hotelnan di Riu Palace Antillas y e Riu Palace Aruba ta dedica recursonan na e iniciativa y tin tur intencion di sigui cu e esfuersonan. Riba e portretnan por mira e empleadonan di e hotel kende a duna di nan tempo boluntariamente pa e campaña di limpiesa aki, bou guia di e Gerente General Asistente Vernel Atijera.