Tardansa cu ‘feitenonderzoek’ riba operatiekamer HOH

ORANJESTAD – Raad van Toezicht (RvT) di hospital Horacio Oduber a pidi mas tempo (cu e 4 siman cu el a haya pa haci e trabou) pa keda cla cu e ‘feiten-onderzoek’ riba e asunto di operatiekamer nobo. Asina e mandatario a comenta den un comunicado emiti diadomingo pa prensa. Segun e mandatario e carta di raad van toezicht cu e “update” aki ta bay parlamento pa medio di e mandatario y periodicamente nan lo ricibi un “update” nobo.

DISPUESTO PA PRESENTA NA PARLAMENTO

Di loke por compronde di e mandatario, si parlamento kier tende di RvT prome, esaki ta posibel. Nan (RvT) ta dispuesto y disponibel pa splica kico ta andando. Esencial ta keda pa e investigacion wordo haci a fondo y bon. “E minister ta kere den un comunicacion habri y cla y tur luna lo tin un update oficial cu Raad van Toezicht lo manda p'e pa e comparti cu Parlamento” e comunicado ta sigui bisa.

RVB ANTERIOR A TUMA DESICIOAN NO CORECTO

Schwengle a conclui bisando cu e tin su opinion, y cu e ta kere cu ta e Raad van Bestuur anterior a tuma decisionnan no corecto. E minister a agrega cu Raad van Toezicht ta di opinion cu no mester condena hende for di adelanta, pero mester warda riba e resultadonan di e investigacion cu lo mustra ken ta responsabel y despues mester determina te den ki grado por tene un of mas persona responsabel. Minister Schwengle a subraya cu el a vocifera su opinion personal, pero ta warda pa e investigacion conclui y e lo tuma su palabranan bek si resulta otro for di e investigacion.