Accidente di trafico ta laga bus di Arubus den rooi

ORANJESTAD - Un accidente entre un auto particular y un bus di Arubus na cruzada di Wilhelminastraat/Adriaan Lacle Blvd a pone e bus drenta rooi y laga varios pasahero herida. Informacion inicial ta mustra cu e auto particular a pasa den luz cora y dal den e bus, y mand'e den e rooi. Segun comandante di bombero na e sitio, Edward de Cuba, 4 di e pasaheronan tabata grave y a wordo transporta prome cu ambulance. Tin 7 herido mas cu a keda atras, for di e 17 pasaheronan cu tawata riba e bus. Nan a wordo trata na e sitio mes pa personal di ambulance. Director di Arubus Teo Croes, cu tabata na e sitio, a splica NoticiaCla.com cu e gastonan medico di e pasaheronan ta cay bou di seguro di e compania. Keda pendiente pa mas informacion.