JetBlue ta introduci JetBlue Mint riba buelonan pa Aruba

ORANJESTAD – Riba 7 di november, 2015 JetBlue lo bula su prome buelo pa Aruba cu e producto nobo “JetBlue Mint” abordo. E producto nobo di JetBlue ta un manera refrescante pa ofrece un servicio excepcional – e lo inclui bon servicio y asiento cu hopi estilo abordo di nan avionnan nobo A-321. Esaki ta inclui asientonan cu ta bira full plat, opcionnan fresco pa come, entretenimento abordo sin limite y Fly-Fi gratis, JetBlue su propio servicio di internet.

PRODUCTO JETBLUE MINT

E producto Mint ta bai mas leu cu comodidad abordo –e servicio ta inclui tambe counter nan pa check-in special pa esnan cu lo haci uso di Mint, boarding trempan y baggage claim preferencial. E servicio aki lo ta disponibel riba buelonan riba diasabra for di New York, JFK pa Aruba desde 7 di november 2015 te cu 30 di april 30 2016 y riba buelonan diario for di JFK pa Aruba for di 19 di december 2015 te cu 4 di januari 2016.

SERVICIO EXTRA BON BINI

“E servicio aki sigur ta bonbini na e servicio cu JetBlue ta brinda na nos aeropuerto” asina CEO di Aruba Airport Authority N.V., Sr. James Fazio a bisa. “Un di e obhetivonan principal di e gobierno di Aruba y su stakeholdernan di e industria turistico ta pa atrae e pasahero afluente pa nos isla. Door di tin un producto premium manera e producto Mint ofreci door di JetBlue for di un di nos mercadonan principal na Merca, ta hopi faborabel y nos ta ansioso pa ta parti di brinda servicio similar na nos aeropuerto.”