Riu Palace y Antillas a celebra Halloween cu cortamento di pampuna

ORANJESTAD – Riu Palace Antillas y Riu Palace Aruba a ricibi nan huespednan pa celebra Halloween cu un concurso special di corta pampuna recientemente. Despues di e concurso, e restaurantnan principal di e dos hotelnan a converti den un castiyo di Dracula, unda cu huespednan tabata invitado pa wak si nan ta ‘durf’ drenta y gosa di un cena special di Halloween.   Den e parti di Antillas, chef Victor Olivares a husga e anual evento di Halloween cu a inclui pampuna grandi y chikito. Invitadonan tabata bisti cu schort blanco y preto, y tambe cu cuchiu special pa corta pampuna. Mientras cu bishitante tabata observa, competidornan tabatin apenas 15 minuut pa corta nan pampuna den patronchi pa lanterna special. E chef a premia Maloney Lannuzzi su prome premio di e categoria di pampuna grandi, y Carol Mendez cu e prome premio den e categoria di pampuna chikito.