Ex minister Jamaloodin cu welga di hamber

WILLEMSTAD - Dialuna ex minister di Corsou George Jamaloodin a drenta su di dos dia di welga di hamber den su cel na Rio Canario. Su abogado Chester Peterson a confirma esaki dialuna den curso di dia. Jamaloodin a bay den welga di hamber pa protesta su detencion. E abogado a informa prensa cu e condicionan den cual su cliente ta aworaki ta hopi malo mes. Mes momento e ta considera su cliente como un prisonero politico. Jamaloodin a keda aresta siman pasa diahuebs, sospecha den e morto di politico Helmin Wiels anja pasa. Jamaloodin ta sospechoso den e parti di autornan posibel di e caso, y ta cay bo di e caso "Maximus" cu ta diferente cu e caso Magno. Cu e welga di hamber aki, ta bira e di dos persona conoci cu ta drenta den un accion semehante, despues cu aki na Aruba, premier Mike Eman a haci mesun cos pa 1 siman. Su protesta tabata e fayo di gobernador di Aruba pa no a firma e presupuesto 2014.