CAO nobo di hospital a drecha e diferencia cu otro sector medico na Aruba

ORANJESTAD – Despues di 15 aña, Dr Horacio Oduber hospital ta logra firma un CAO atrobe valido pa 3 aña. Como tal e sindicato y su presidente sigur tabata contento diabierna ora cu esaki a keda firma. E director financiero, Teo de Kool, tambe a mustra su satisfaccion pa e forma cordial cu e negoshacionnan aki a bay y cu practicamente no tabatin problema laboral durante e periodo di negoshacion. Un periodo cu a cuminsa na maart, durando 7 luna y a termina october.

CONDICION DI TRABOU

E enfoke di e CAO e biaha aki tabata pa sera e buraco di e beneficionan secundario compara cu otro instancia di cuido. Cu e CAO aki, tur e diferencianan aki ta keda pa pasado. E puntonan logra ta e vakantieuitkering di 8.33% cu tabata prome 8%. Entrante juli otro aña e ta cambia. Tambe pension ta wordo aumenta cu 1%, cu ta mei % na 2017 y e otro mei na 2018. Kerstbonus ta conoci un aumento di 180 florin reparti den e tres añanan. E prestatie premie tambe ta cambia y mescos e seguro. E dunado di trabou y e trahado lo duna un parti. E spaarregeling tambe ta importante den forma colectivo. Na tur, ta contento cu a logra tur esaki. Tambe e asunto di pago pa orario husto ta keda regla, sigur esnan nocturno conosidera como 2e dienst. Entrante 1 di januari ta bin un sistema nobo unda cu e pagonan lo keda ahusta di ‘un forma husto’.