Sv Britannia / Total Finance ta gana Nac/Wash 3-2 den un bon wega

ORANJESTAD - Den continuacion di campeonato di AVB Hoofdklas, diasabra anochi den den Centro Deportivo Guillermo Trinidad y den un tremendo wega Sv Britannia ta gana Nac/Wash cu score di 3-2. E equipo di Nac/Wash ta anota e prome gol di anochi y asina duna e muchanan di Alto Vista un speransa contra e fuerte equipo di Piedra Plat. Pero no a tarda hopi cu Sv Britannia ta empata e wega pa medio di Luis Murillo y pa un rato despues ta Renier Paraez cu ta manda su equipo Sv Britannia Total Finance ariba 2-1. Di e momento ey e dragonnan di Noord a cuminsa pone presion ariba Sv Britannia, pero ta Marvin Hous cu ta drenta wega despues di un cambio cu ta manda su equipo ariba 3-1, cual ta bira Hous su prome gol pa e campeonato aki, Pero Nac/Wash no ta entrega y ta corta ventaha 3-2, pero no tabata tin mas tempo pa hasi daño na Britannia y asina tambe Sv Britannia ta bai cas cu e 3 puntonan y ta mantene e prome lugar ariba tabla di posicion, hunto cu RCA, cu 12 punto den 4 wega hunga. Hungadornan cu a score pa Sv Britannia ta: Luis Luis Alberto Murillo Espinosa 1x, Renier Paraez 1x, Marvin Hous 1x. Pabien na Britannia Total Finance cu nan otro victoria.