Cu Hatrick di Melchor RCA ta golea 9-1 na caminda pa Derby di Capital

SOLITO- Recientemente e soldatnan di Solito ta reconfirma nan liderazgo di campeonato derotando FC San Nicolas 9-1. Tres gol di Steven Melchor, dos gol di Ronald Gomez, dos gol di Kilyam Toro, un gol di Juan Santos y un gol di Brian Dorothal. Cu e resultado aki Tricolornan ta sigui solido na promer lugar cu 12 punto den cuatro wega, 22 gol anota y 3 en contra. Diamars awo 8or den Centro Deportivo Guillermo Prospero Trinidad na Dakota,RCA "BIG WHEEL LOTTERY powered by POWERADE & KFC" lo tin e gran clash di capital ora topa cu "Rioplatensenan di Madiki" RIVERPLATE. Fanaticada tricolor ta invita pa bin apoya nos ekipo cu ta preparando en grande pa Copa Inter-Insular na Bonaire fin november. Tambe directiva ta invita un y tur pa yega RCA ARENA dialuna awor 7or pa e "Clasico Hubenil" RCA 'WELCOME BACK SNACK' vs DAKOTA den U21. Tambe dialuna club lo tin na venta t-shirts BE AWESOME BE TRICOLORES serca Lady Irene. Calendar pa luna di november: diasabra awo 7 november pa 5:30 "tabla lo bula den Arena na Solito" INTER vs Dakota Stars y diasabra 21 november RCA Sport Lounge lo ta den gran forma cu Chill Beer pa "El Clasico" Barcelona vs Real Madrid.