Xander Bogaerts por gana su prome ‘golden glove’

NEW YORK – Nos pelotero profesional Xander Bogaerts por gana su prome wante di oro e aña aki. Bogaerts ta nomina pa e Golden Glove award pa 2015. Hunto cu ne, tin dos otro colega mas, pero di Corsou. E interesante ta cu tur tres ta bringando pa e mesun titulo, esta e guante di oro pa e posicion di short stop. Den caso di Bogaerts, e ta bringando pa e posicion hunto cu Didi Gregorious di New York Yankees (Corsou) pa liga Americano, mientras cu den liga Nacional Andrelton Simmons ta den contienda pa su team Atlanta Braves. Pa nan por logra, tin cu cumpli cu por lo menos 5 rekisito (lesa e rekisitonan aki). NoticiaCla.com ta desea tur nos peloteronan di region, specialmente Xander Bogaerts exito y cu e logra e titulo aki.