- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
Debrun(IMF): Budget di gobierno mester tin stabilidad economico
ORANJESTAD – E budget di gobierno mester tin stabilidad economico, caminda cu cobransa di e impuesto di diferente parti di e GDP ta sumamente importante y cu no tene cuenta cu inversionnan di infrastructura basico por descurasha inversion priva. Esaki tabata pensamento di Xavier Debrun di IMF durante su discurso na evento di Camara di Comercio su celebracion di 85 aña. E evento mes, “The Aruba Chamber 85th Celebration Event ‘From Red Tape to Red Carpet’ a conta cu presencia di aproximadamente 260 persona.
DAPHNE AGIUS CESAREO
Presidente di KvK, sra. Dapnhe Agius Cesareo-Lejuez, a duna un introduccion reflehando e 85 aña di existencia di KvK. Su discurso a toca tambe cierto punto crucial relata na e tema di e evento “From Red Tape to Red Carpet”. A señala e obstaculonan cu empresario y inversionistanan ta encontra y e cambionan cu por introduci pa simplifica entre otro e proceduranan na momento di haci negoshi. Esaki ta basa ariba un ‘Business Publication’ produci pa KvK cu durante e evento a ser lansa.
XAVIER DEBRUN
E orado invita, sr. Xavier Debrun, a duna su presentacion cual a hiba e tema un poco mas den profundidad y a presenta algun testimonio internacional. Debrun a duna sugerencianan crucial pa crea un economia stabil y duradero. Segun su experencia como hefe interino di e departamento di supervision y asunto fiscal di IMF, Debrun a señala cu e budget di gobierno mester tin stabilidad economico, caminda cu cobransa di e impuesto di diferente parti di e GDP ta sumamente importante y cu no tene cuenta cu inversionnan di infrastructura basico por descurasha inversion priva. Despues di e presentacion di Debrun varios pregunta a wordo haci y Debrun a duna contesta amplio na cada pregunta.
VIDEO
E prome parti di e anochi a wordo clausura cu un video di e historia di Camara di Comercio, sigui pa un show di baile di carnaval y un toast di Directiva di KvK hunto cu e invitadonan. Despues tur presente a haya oportunidad amplio pa netwerk y intercambia di idea y expresa nan punto di bista ariba e topiconan cu a ser presenta.