Diamars ta dera conocido ciudadano Richard Harms

ORANJESTAD - Diamars awor ta dera conocido ciudadano Richard Harms. E acto di condolencia y entiero lo tuma lugar diamars 27 di october di 1'or pa 3:30 di atardi na Aurora Funeral Home, despues lo sali pa Santana. For di momento cu NoticiaCla.com a raporta e noticia lamentabel, tabatin hopi peticion pa e anuncio di morto. Esaki pues ta tuma lugar diamars awor. Lesa e anuncio oficial aki. 

E RAPORTAHE INICIAL

Manera cu NoticiaCla.com a raporta inicialmente, diabierna anochi a drenta e tristo noticia for di Bucaramanga, Colombia cu conocido ciudadano Richard Harms a fayece. E tabata malo pa un tempo pa cual el a bay busca su salud afo. Pero lamentablemente destino tabata otro y diabierna anochi den careda di 7'or, e noticia a drenta cu e la fayece. E ta laga su señora Betsy, yiunan Monique, Gislene y Ricky y demas famia. Richard Harms tabata e prome rector Arubiano cu Colegio Arubano a conoce na 1972, cual funcion el a tene te 1979, cu despues a ser tuma pa otro Arubiano, Adolf Hoevertsz. NoticiaCla.com ta manda palabra di condolencia na famia di Richard Harms y cu e sosega na paz.