Famianan pidiendo ayudo pa transporta curpa di Elverson Tromp pa Aruba

DEN HAAG – Famianan di e hoben arubiano Elverson Rayee Tromp cu a fayece siman pasa na Hulanda consecuencia di un accidente di trafico ta pidiendo asistencia financiero pa por transporta e curpa pa Aruba. Elverson, of Tweety of Chamo, manera su amigonan tabata yam'e, tabata envolvi den un accidente di auto diaranson ultimo, y a bin fayece diasabra a consecuencia di su heridanan. Famianan, pa medio di Arubahuis, a splica cu ‘nan no tabata prepara pa esaki’, nan mester di ayudo awor.

CONTRIBUCION

Nan ta pidiendo pa tur hende cu kier y por contribui, tuma contacto cu Aruba na number 564-6404 of Sharleen na Hulanda telefoon +31 613 153543. E cuenta di banco ta Aruba Bank # 131312717 na nomber di M.T. Henriquez. Na Hulanda esaki ta S.R Giel NL05 ABNA 0548218668. E mensahe aki (lesa e mensahe aki) ta circula riba e.o. Facebook y ta wordo suministra cu ayudo di Arubahuis y minister plenipotenciario Alfonso Boekhoudt.

ACCIDENTE

“Tweety” tabata envolvi den un accidente di auto na Leiderdorp diaranson ultimo. Pa motibonan desconoci, e auto den cual e tabata, a ranca un palo di luz y e mes a bay termina boca abou den un sloot. Personal di bombero a sac'e for di e situacion y a tranport'e despues pa hospital. Pero diasabra e noticia a yega Aruba cu Tweety no a sobrevivi e heridanan y asina a bin fayece. NoticiaCla.com ta manda palabra di forza na famianan y cu Elverson sosega na paz.