Damanan fugitivo deteni na Corsow

WILLEMSTAD - Bosero di Kuerpo Polisial, Sr. Imro Zwerwer ta KONFIRMA pa STREALUZ NEWS ku awe den oranan di anochi lat, i despues marduga Kuerpo Polisial a logra hasi detenshon di e 2 dama nan latino ku tabata keda buska pa polisnan relashona ku e tiroteo riba agentenan polisial. Tabata na momentu ku e Tim di Mantenshon di Ordu General (konosi komo Ploeg 5) huntu ku Aktieploeg Rio Canario i tambe ku sosten di VKC a bai na Plaza Bar na Breedestraat Otrobanda (net dilanti di Netto Bar) i einan a logra di topa ku e dos dama nan venezolano aki, i mesora a hasi detenshonnan di nan.

Despues polisnan a tene un entrada hudisial tambe den un kas den area di Otrobanda, kaminda ku a konfiska algun artikulo importante den kuadro di e investigashon. Kuerpo Polisial ta pidi yudansa di komunidat pa yuda den buskeda di e homber sospechoso Karoly Rafael Flores Molina (33) ku ahinda ta profugo of ta pidi e homber aki pa entrega su mes na Warda di Polis Otrobanda of Rio Canario lo mas pronto posibel.