Alerta di calor pa Aruba pa fin di siman

ORANJESTAD – Despues cu Aruba a bay algun siman sin un situacion serio di calor, e fin di di siman aki atrobe Meteo a pone un ‘advertencia di calor’ en efecto di 10:00 am ast diabierna te 10:00am ast diadomingo.

E SITUACION

Esaki ta nifica cu temperatura halto riba diabierna y diasabra ta banda di 34 grado celsius na Aruba, cu humedad relativo banda di 70 porciento y menos biento. Esaki lo trece un temperatura aparentemente banda di 38 grado celsius cada dia. E temperatura maximo ta anticipa entre 1 pm y 3 pm cada dia.

YOBIDA DI AWA

Si awa ta yobe riba e dianan menciona e temperatura ta baha y e advertencia ta cancela automaticamente.

ACCION DE PRECAUCION

Un advertencia di calor kiermen cu un temporada di temperaturanan halto y calor ta wordo anticipa. E combinacion di temperatura halto y humedad halto por causa un situacion cu malesa di calor por ta posibel. Bebe suficiente liquido, y keda si ta posibel den camber cu aire condiciona. Keda afor di solo si ta posibel y check riba miembro di famia y bisiñanan si ta necesario.