Polis a detene 11 venezolano den caso di tiramento riba polis

WILLEMSTAD - Continuando ku e investigacion relaciona ku e caso di tiramento ayera marduga na Corsou,    caminda dos agente policial a keda herida, polis a tene den oranan di ayera merdia un entrada hudicial den un cas na Seru Fransia. A detene un total di diesun homber di nacionalidad Venezolano na e cas. Un di e sospechosonan a trata di hui for di e sitio, pero polis a los un tiro dirigi riba dje cu a alcans’e na su schouder. Ambulans a transport’e pa policlinica di SEHOS pa tratamento medico. Investigacion den e caso ta continua. Tabata alrededor di algun minut pasa di 3 ku e patruya polisial 27 a bai pa para un Kia Sportage Blanku nobo riba Rooseveltweg na altura di Yumuri ku 3 homber aspekto latino den dje. Na prome instante aparentemente nan no kier a para riba ordu di polis mesora, i despues a para. Pero ora ku e agentenan polisial a habri porta di e vehikulo, einan nan a sorprende nan tirando riba nan. Informashon PRELIMINAR ta indika ku e agente polisial fam S, maskulino tin herida di bala na pia i brasa, mientras ku e agente polisial di fam S, femenino tin bala na su kustia. E Kia Sportage blanku su winshiel patras ta kibra Debi ku e polisnan a los tiru bek, pero e agresornan a logra kore bai. Polisnan ta pidi yudansa di komunidat pa lokalisa e jeep blanku aki i tambe e agresornan (posibel latino) di e kaso aki. Bosero di Polis ta confirma ku ambos agente polisial ta for di peliger.NOTA: Foto cortesia Strealus.com Fuente: vocero di polis Corsou.