Gobierno Corsou ta sostene refineria di PVDSA

WILLEMSTAD – Gobierno di Corsou ta kere cu e conflicto huridico entre e refineria PDVSA y gruponan di medio ambiente por crea disturbio y posibel interupcion di suministro di gasoline na pompnan di gasoline. Aunke e caso ta den man di un huez, gabinete Whiteman, den consulta cu e stakeholdernan, a para tras di e refineria pa asina kita un beslag poni riba e refineria, pa purba yuda kita e beslag aki. Den e intento aki, gobierno a manda un carta pa Venezuela, pa splica nan punto di bista y pa clarifica cu Corsou no ta un partido den e conflicto aki.

MULTA

Diamars a bira conoci cu e fundacion SMOC (Schoon Milieu op Curaçao), e fundacion Humanitaire Zorg (SHZ), y 25 ciudadano di Corsou cu ta biba bou di e huma di e refineria, a impone un multa di 75 miyon florin. Esaki hues a impone caba riba e refineria na 2010 si e refineria no tene nan mes na e norma di permiso pa dioxido di swafel SO2. Den e sentencia ey huez a dicta cu nan por saca maximo, midi riba nivel di bida, pues no riba tereno di e refineria mes. Segun midimento di TNO mes na 2013, e tabata hopi mas halto cu permiti. E siguiente añanan esaki a baha, pero segun e gruponan ambiental, e midimento a sosode mucho literal, y como tal a pidi pa otro midimento. Partidonan como tal, e refineria y e gruponan ambiental, ta para liña recta contra otro. Dia 27 di october huez ta atende e asunto aki.

Pa Caribisch Netwerk   Autor: Dick Drayer.    Foto: Dick Drayer