Trahadonan di ANSA NV lo protesta diahuebs mainta

ORANJESTAD – Trahadonan di ANSA NV, incluyendo e trahadonan di toren di control, lo tene un protesta chikito diahuebs mainta na oficina di mediado di gobierno. Esaki lo tuma lugar prome cu e reunion entre mediado di gobierno, sindicato STA y e gerencia di ANSA mes. E intencion segun e presidente di STA, Diego de Cuba, ta cu e trahadonan lo protesta nan mal contento cu e situacion actual. Ta trata di e grupo di trahado cu ta liber, cu lo mas probabel usa pancarta pa haci esaki. No ta conoci con largo e protesta aki lo ta. A sigura cu no ta trata di un welga, sino mas bien un demonstracion cortico di protesta.