Gobernador a bolbe Aruba y investigacion ta continua

ORANJESTAD – Gobernador di Aruba ta bek na Aruba for di diasabra, pero ainda no tin ningun informacion oficial a sali for di su despacho. Informacion cu NoticiaCla a haya, tambe pues ta netamente esey. Mes momento contactonan di minister hulandes Ronald Plasterk a informa NoticiaCla cu ‘tur cos ta sigui normal’, den sentido cu e bishita di gobernador na Hulanda no a cambia e situacion di e investigacion pa nada.”Nada no a cambia” ta e contesta cu NoticiaCla a haya dialuna. Cu esey,  College Financieel Toezicht ta continua cu su investigacion y cu e ultimo siman di augustus, lo presenta e rapport final. Esaki no ta kita afo cu rumornan ta circula formal pafo, y entre nan cu gobernador lo a bin cu un deal for di Hulanda. Tur esaki sinembargo no ta verifica y como tal, oficialmente no tin base di berdad.