Conferencia Descubri un Dios di Arco Iris y Bira un Superheroe

ORANJESTAD – Kingdom Leadership Institute (KLI) ta presenta – Bo oportunidad pa siña con pa restaura nos comunidad dor di conoce e diferente aspectonan di amor di Dios. Tin un revolucion di amor cu ta tuma luga den nos generacion, e ta e Reino di Dios manifestando na tera atravez di nos. Dios ta duna nos permiso pa stima radicalmente, extravagantemente y sin condicion. Nos ta compronde e profundidad di Dios Su amor pa nos siña con pa duna amor. Con amor ta mustra ora e sali di cada un di nos?

PAREHA ENLOW

Johnny & Elizabeth Enlow ta reformador nan social di curason, ademas di ta oradonan internacional y autornan di "E Profecia di Shete Montaña", "E Manto di Siete Montaña","Dios di Arco Iris" y "Bira Un Superheroe". Como esnan cu ta enfoca riba e reformacion di e 7 areanan primario di cultura, nan ta mentor spiritual di varios hende cu ta den Media, Arte y Entretenimento, Gobierno, Famia, Religion, Economia y Educacion. Nan pasion ta pa spierta nos generacion pa e realidad di Dios den tur parti di bida, E no solamente ta interesa den nos alma, pero tambe den solucionnan practico pa ofrece atravez di Su yiu homber y yiu muhenan pa cada problema cu ta sosode den sociedad.

DATO DI CONFERENCIA

E conferencia lo tuma luga na Iglesia New Life Tabernacle, na Certified Mega Mall, segundo piso. E lo ta diabierna, 23 di october, 2015 di 7:00 PM - 10:00 PM, y lo continua diasabra, 24 di october di 9:00 AM pa 5:30 PM, cu un pauze pa lunch di 12:30 PM – 2:00 PM. Pa mas informacion, y carchi pa gruponan di 10 persona of mas, yama Kingdom Leadership Institute na 582-8787 di diamars pa diabierna entre 9:00 AM – 1:30 PM. Tambe por bishita nos website www.kliaruba.com of pagina di Facebook.