24 Arma di candela entrega caba na OM

WILLEMSTAD - Te na e momentonan aki, dialuna 28 di juli 2014 pa 15:00 or, a entrega un cantidad di 24 arma di candela na Ministerio Publico Corsou. Dialuna a entrega na tur 9 arma di candela. OM Corsou ta hopi satisfecho cu e manera cu comunidad di Corsou ta duna oido na e campaña pa entrega arma di candela di un manera boluntario. Tur dia entre 7 or di mainta y 5 or di atardi por hasi entrega di un arma di candela durante e periodo di gracia aki. Como recompensa nos ta duna pa cada arma di candela e montante di 100 florin mientras cu nos no ta persigui e persona cu e arma di candela pa posicion di arma di candela illegal. E periodo di gracia aki ta termina 31 di augustus 2014.