Tur buelo di US Airways a Aruba ta pasa pa American tambe

ORANJESTAD – Tur buelo cu US Airways tabata bula pa Aruba, ta keda activo. Minister di turismo Otmar Oduber a confirma esaki pa NoticiaCla.com e weekend aki. Loke no por a confirma ta si e buelonan ta mantene e ruta original, esta for di Charlotte of si ta cambia di itinerario. Diasabra tur buelo di US Airways a cambia y bira buelonan di American Airlines debi cu e compania ultimo aki a tuma US Airways over. Y mirando cu e compania US Airways tabata bula frecuentemente pa Aruba tambe, nos tambe ‘a keda afecta’. Esey a nifica cu diabierna US Airways a bula su ultimo buelo cu e bandera ey, pa Aruba. E mandatario a confirma cu tur e buelonan cu US Airways tabata bula pa Aruba pues, ta keda y ta pasa solamente pa American Airlines.