PVDSA ta inverti den terminal petrolero di Antigua y Barbuda

CARACAS – Mientras cu Aruba ta wardando riba e decision di Citgo, filial di PDVSA pa posibel reapertura di e refineria na Aruba, gobierno Venezolano a confirma compra di 25% den e terminal petrolera di Antigua y Barbuda, segun un comunicado di Petroleos de Venezuela (PDVSA). Esaki ta un resultado di e bishita recien di e presidente Venezolano Nicolas Maduro cu a firma un MoU cu e gobierno di ambos pais, pa entrada di Venezuela den e empresanan local. No a bisa si, cuanto placa nan lo kier inverti den e operacion.

WIOC

WIOC ta opera un refineria na Antigua y Barbuda cu ta funciona como un terminal petrolera, cu capacidad pa almacena 322.000 bari di producto deriva di crudo.

TERMINAL NA ARUBA

Loke ta haci esaki interesante pa Aruba ta cu PDVSA ta buscando espacio grandi pa almacena crudo den Caribe, como un opcion pa formula mezcla di petrolio cu e ta produci. Tambe ta usa Caribe e ora como un despacho di tankero grandi di Asia, unda cu Venezuela tin algun di su clientenan principal.

E ta interesante mirando cu Aruba tin un terminal identico pa almacena crudo, di cual Valero ta e doño.

REFERENTE NA MOU CU ARUBA

Interesante ta cu hunto cu e anuncio aki, e compania petrolero Venezolano PDVSA a anuncia publicamente tambe cu luna pasa nan a firma un MoU pa explora e posibilidad pa reapertura di e refineria na Aruba.