Accidente cu morto dilanti Well Well Restaurant

ORANJESTAD - Diabierna nochi den careda di 11:30, polis y ambulance a wordo manda cu urgencia pa Well Well Restaurant na unda cu un auto a dal un peaton y no ta duna señal di bida. Na yegada di polis mes ora a cera caminda y ambulance tambe a yega hopi lihe, pero no por haci nada mas. Dr Angela a bin constata morto di un homber di edad. Mientras tanto polis ta investiga e caso, pasobra ta mustra cu tin mas cu un auto cu a dal e peaton. Esaki ta di 9 morto pa e aña aki den trafico.