Conocido ciudadano Richard Harms a bay sosega awe nochi

BUCARAMANGA - Diabierna anochi a drenta e tristo noticia for di Bucaramanga, Colombia cu conocido ciudadano Richard Harms a fayece. E tabata malo pa un tempo pa cual el a bay busca su salud afo. Pero lamentablemente destino tabata otro y awe nochi den careda di 7'or, e noticia a drenta cu e la fayece. E ta laga su señora Betsy, yiunan Monique, Gislene y Ricky y demas famia. Richard Harms tabata e prome rector Arubiano cu Colegio Arubano a conoce na 1972, cual funcion el a tene te 1979, cu despues a ser tuma pa otro Arubiano, Adolf Hoevertsz. NoticiaCla.com ta manda palabra di condolencia na famia di Richard Harms y cu e sosega na paz.