Cambio di ley laboral pendiente tin resistencia sindical

ORANJESTAD – E situacion laboral por haya un buelta negativo dentro di poco, y tur debi na posibel cambio di ley laboral cu gobierno lo kier introduci. Sindicato FTA no ta nada contento cu e punto aki, y no ta descarta cu continuacion di e plan aki, por desemboca den un posibel paro nacional. NoticiaCla.com a compronde cu ta trata di e.o. e articulo 1613x di Codigo Civil, cu gobierno lo kier elimina. Esaki riba peticion di entre otro gremionan comercial, cu ta facilita e proceso di trahado miho asina. FTA ta contra esaki y awe mainta a tene un conferencia di prensa pa informa riba e tema aki.

KICO E TA SIGNIFICA

E posibel cambio di ley di Codigo Civil aki, ta significa cu companianan lo tin e libertad di ‘hire and fire’, esta tuma y kita hende na nan antoho. Specialmente basa riba trabou cu contracto defini. Esaki ta comparabel cu e fenomeno di e ‘pink slip’ Americano unda cu ta masha facil pa tuma y kita un hende di trabou. E ta kita e proteccion cu un trahado tin aworaki, pa no por deshaci di dje sin mas. NoticiaCla.com a compronde cu mayoria gremio ta pro e cambio aki, pero un sindicato en particular, FTA no. Den curso di dia, lo tin mas informacion riba e tema aki.