Banda Arubiano di reggae na Hulanda mester di voto dibo

Posted on 10/15/2015, 10:13 AM AST | Updated on 10/15/2015, 1:04 PM AST

AMSTERDAM – E banda di reggae Roots Palmera ta participando den un programa musical popular hulandes y mester di ayudo pa por logra esaki. Nan ta un banda cu integrantenan Arubiano biba na Hulanda.

INICIO

Desde su inicio Roots Palmera a forma e banda pa asina por integra diferente zonido Caribense den nan musica. Den nan musica bo por scucha influencianan di Reggae, Zouk, Dancehall y Rock cual ta culmina den un zonido unico. E banda ta consisti di 7 integrante:

Ivo Schwengle (Cantante/Keyboard) Tarek Nava (Drummer) Marc Cheung (Bass) Alex Kamsteeg (Percussionista) Lino Tjon En Fa (Gitara) Matti Pronker (Trompet) Jean Carlos Croes (Trombone)

Desde juni di e aña ki Roots Palmera tawata tin nan prome toca na Hulanda. Esaki a resulta den mas toca y den un acogida mas grandi, treciendo nan zonido Caribense na un publico mas grandi.

AYUDO

Awor e boys nan di Roots Palmera ta cla pa e next step, pero sin boso voto esaki no por wordo logra. Roots Palmera ta desea di competi den un di e competencianan mas grandi di Hulanda cu yama “De Grote Prijs van Nederland”. Esaki ta un chens unico na unda nos yiunan di tera por competi y trece nan zonido Caribense na un publico mas grandi y amplio.

Ban yuda nos yiunan di tera y vota prome cu 16 di october como lo siguiente:

Click e link http://www.groteprijsvan.nl/deelnemer/roots-palmera/ Click riba “Breng je stem uit” na banda drechi di e pagina Log in cu Facebook Click riba “Maak je stem definitief”