Conferencia riba industria di coriente ta continua na Aruba

ORANJESTAD – E conferencia di Carilec cu a inicia diadomingo na Aruba, ta pa trece personanan hunto riba e tereno di energia y pa yuda analisa e situacion riba industria di coriente. E conferencia ta dura 4 dia y tin oradornan di exterior y local. Durante e conferencia tin entre otro e exhibicion, cu presentacion di varios producto y tecnologia di companianan specialisa riba e tereno di generacion y distribucion di coriente.

E dianan cu ta sigui, e conferencia ta ofrece un programa yena di sesionnan y discusionnan di topiconan interesante y masha importante. Esaki ta inclui sesionnan unda cu ehecutivonan di companianan grandi ta conta di nan experencianan cu tabatin resultadonan positivo, como tambe negativo y experencianan di expertonan den tur area di trabao pa cu rednan di coriente. E conferencia ta tuma sigui te dia 30 di juli proximo. Pa mas informacion di e conferencia, bishita e website www.carilec.org of tuma contacto cu Alison Pascal via di email apascal@carilec.org.