Docente y comentarista deportivo popular haya morto

SERO PITA - Conocido docente y locutor deportivo Peter Smith a wordo haya morto den su cas diamars anochi. Tabata prome cu 9 or di anochi habitante di Seroe Pita a drenta apartamento di su bisiña, despues cu henter dia no a tende di su paradero y a bay wak kico lo a pasa cu e meneer den su cas, ya cu algun dia prome e tabata malo caba. A yama e persona den su apartamento, pero no tabata contesta y a bin topa cu e persona den un area den e apartamento no ta reacciona mes y color a cambia.

Di biaha a despacha tanto ambulancenan y brandweer pa e sitio, ya cu na prome instante no por a yega unda e persona ta. Pero na yegada di unidadnan brandweer no tabata necesario mas pa drenta accion y aki paramediconan di ambulance a mira cu mucho no por haci pa e persona, ya cu e lo tin varios ora morto den su cas.

Aki a manda yama Dr. Gonzales pa constata morto y familiarnan tambe a presenta e yiu cu ta biba aki. E tabata un shock pa familiar y asta un colega di e difunto a presenta, ya cu e persona sin bida den e cas tabata Docente na EPB Hato, Sr. Peter Smit docente di Ingles y tin hopi aña ta labora na e dicho scol.

Informe cu nos a ricibi na e sitio ta cu e meneer no a presenta na scol diamars mes y esaki lo por duna indicacion cu for di trempan di diamars su salud lo por a empeora su so den e apartamento y asina fayece sin ningun hende tabata sa. Palabra di profundo condolencia na famia di Sr Smit y tambe forsa na e maestronan di EPB Hato y demasnan cu a sa di traha cu Sr. Peter Smit. Fuente: Masnoticia.