Mayoria parlamento St Maarten riba caya pa protesta contra Gumbs

PHILIPSBURG – Mayoria di parlamento di St Maarten awe tabatin programa pa subi caya y protesta. Por lo menos si gabinete di Marcel Gumbs no retira awe. Asina Persbureau Curacao ta raporta den su edicion di awe. For di momento cu a parlamento a vota cu mocion di desconfiansa contra gabinete Gumbs, e no kier baha y ta mustra cu e tin e poder ainda. Como tal, e comunidad no ta mucho contento y a keda di protesta awe.

GUMBS MESTER BAHA

Segun comunidad, e gabinete mester a baha masha tempo. Segun mayoria di parlamento, Gumbs tin e pais secuestra. E premier a disolve parlamento y a laga yama eleccion nobo. Problema ta cu gobernador no a firma e landsbesluit ey ainda, y como tal Gumbs ta sinta ainda como prome minister. Gobernador Richardson a manda bisa Gumbs cu su pensamento pa eleccion nobo y pa disolve parlamento, no ta legal y p'esey e no a firma e ley ey. FUENTE: Persbureau Curaçao. Foto: Persbureau curacao.