Expo cas ta proximo fin di siman na Aruba atrobe

ORANJESTAD – EXPO CAS a bira un evento hopi grandi na Aruba cual ta duna bo hopi informacion di balor halto y importante. Informacion cu normalmente bo tin cu cana busca tur caminda rond, bo lo por haña bou di un solo dak. Aki na Aruba nos custumber ta cu nos ta traha nos propio cas, sea e ta un cas existente of un cas nobo of tambe tur fin di aña nos ta drecha y verf nos cas y/of negoshi. Pa tur esaki y tur bo preguntanan bo solucion ta Expo Cas 2015, un bishita recomenda! Dianan 23, 24 y 25 di october proximo, organisacion, experto y marcanan renombra lo ta banda di otro pa asina comparti nan informacion y productonan cu bo, creando un proceso di informacion y demostration hopi mas facil y satisfactorio.

CASNAN.COM REAL ESTATE

Casnan.com Real Estate ta invita bo diabierna 23 di october pa Expo Cas 2015 su red carpet VIP opening di 5or pa 10 or di anochi na valor di 100 florin pa 2 persona cual ta inclui 2 welcome wine cu Beso de Vino di Manrique Capriles, cu un oportunidad pa gana 500 AWG na gift certificates. Entre 5’or di atardi pa 10’or di anochi bo lo tin e privilegio di ta entre e prome nan pa wak tur loke e participantenan di EXPO CAS tin pa ofrece durante e weekend mas spera di aña.

DIASABRA Y DIADOMINGO

Diasabra y diadomingo Expo Cas lo habri su porta pa publico for di 12’or di merdia pa 8’or di anochi. Ambos dia lo ta yena di presentacion y promocion special di parti di nos participantenan. Entrada pa diasabra y diadomingo lo ta solamente AWG 7,50 pa persona, cu oportunidad di gana AWG. 500,- riba diasabra y diadomingo na gift certificates.

PARKEER GRATIS

Parkeer bo auto gratis, Expo Cas 2015 ta segura pa tur hende por recibi free parking di AruParking cu Casnan.com Real estate. Casnan.com Real Estate ta paga bo parking ticket! Parkeer bo auto den un parkeer vak y corda e number y letter di e parkeer vak, bo tin 15 min pa cana bay Expo Cas, na entrada di Expo Cas bo ta registra e number di e parkeer vak, y Casnan.com Real Estate ta regala bo 2 ora di free parking. Si bo ta paden di Expo Cas y bo mester di mas tempo bo ta bay na e booth di AruParking y bo ta registra esaki atrobe pa 1 ora mas di free parking danki na Casnan.com Real Estate.

ENTRADA PA HOBENAN

Hoben bou di 16 aña por wordo admiti solamente si e ta acompaña pa su mayor. Ta pidi tur persona pa tene cuenta cu no ta permiti pa trece stroller, bebida, cuminda of bestia den Renaissance Convention Center, tampoco ta permiti pa huma paden durante e weekend di Expo Cas, tur esaki pa motibo di seguridad.