Raket ruso lansa ta causa di e crash di buelo MH17 aña pasa

RIJEN – Buelo MH17 a cay debi cu un raket tipo ruso, buk, a rementa banda robes di e cockpit di e avion di Malaysian airlines. Asina e asina yama Onderzoeksraad voor Veiligheid (OVV) a informa oficialmente durante nan presentacion di e rapport di e conclusion riba e crash di e buelo dia 17 di juli ultimo.

E RAKET LANSA

E informe ta sigui bisa cu e raket a keda lansa for di un area 320 meter cuadra na este di Ukraine. Esey tabata e momento ey un teritorio di guera. Si Ukraine a sera e espacio aereo eynan, nunca e accidente lo a sosode, segun e presidente di e comision investigador Tjibbe Joustra. Segun Joustra, e lunanan prome cu e accidente, por lo menos 16 avion militar y helicopter di Ukraine, a wordo derumba pa rebeldenan. “Autoridad di Ukraine tabata na altura, pero no a sera e espacio aereo. Kiev, e capital no a mira e urgencia den esaki. Algo cu investigadornan no ta di acuerdo cu ne.

BUELO COMERCIAL

Pa loke ta buelonan comercial, fuera di Malaysia Airlines, 16 otro aerolinea a bula riba e region ey riba e mesun dia. Cualkier otro motibo di e crash, a keda desmenti. Awor e siguiente pregunta ta, ken a lansa e raket aki y awor e investigacion tin cu bay investiga esey. Pero pa logra esey, mester di mas investigacion forensico, debi cu no ta conoci si ta un teritorio cu e dia ey tabata den man di e rebeldenan of trupanan di soldat di Ukraine.

PASAHERONAN

Loke tambe a sali na cla, ta cu e pasaheronan no a sufri hopi. Algun a haya herida cu a causa nan morto mesora, otronan a perde conocemento, despues di e impacto di e raket, pero ta dificil pa deduci exactamente ki ora e pasaheronan tur a fayece. Loke ta sigur ta cu ningun no a sobrevivi y no por a sobrevivi e crash. Tin un animacion di e crash cu ta mustra claramente, basa riba informacion ricibi, kico a conduci e avion na cay. Lesa e rapport completo aki. Y pa e video anima, mira aki.