Inversion di 1.6 miyon florin pa traha Plaza Padu

ORANJESTAD – Dentro di tres luna, y cu un inversion di 1.6 miyon florin, Aruba lo conoce su Plaza Padu. Minister di cultura Otmar Oduber a anuncia awe mainta cu e siman aki e contratista Van Kessel ta keda encarga pa construccion di e plaza aki."

ARTISTA ENCARGA

E artista Ciro Abath lo ta esun encarga cu e proyecto pa rindi honor na e tres compositornan di nos Himno cu otro aña lo ta celebrando 40 aña di existencia. Ta trata di un obra di arte cu ta ilustra e propio Padu Lampe, conhuntamente cu su dos amigonan y co compositornan di nos Himno Nacional, Rufo Wever y Hubert Lio Booi. Di e forma aki ta duna tambe reconocimento na e tres baluartenan aki cu ta graba den historia di Aruba.