Oral Health Foundation Aruba a sigui educa muchanan den vakantie

ORANJESTAD - Durante october vakantie, Oral Health Foundation Aruba (OHFA) a bishita St. Franciscus College pa asina duna un presentacion interactivo na e muchanan di traimerdia hunto cu DESPA. E grupo di traimerdia cu a consisti di 50 mucha cu tabata entusiasma pa asina siña con pa cuida nan djentenan y a ricibi nan skeiro di djente como regalo danki na Reach y Colgate. Despues di a tuma contacto cu OHFA, e maestranan a keda sumamente contento cu OHFA a tuma tempo pa educa e muchanan tocante nan cuido oral. Cu actividadnan asina, e fundacion kier logra promove cuido oral.

Oral Health Foundation Aruba ta ehecutando varios campaña di concientisacion y cu programanan educativo tocante salud oral. Durante e aña escolar Oral Health Foundation Aruba lo continua cu su programanan di concientizacion na diferente scolnan rond di Aruba. Personanan interesa pa e fundacion duna un presentacion serca nan, por manda un email na info@oralhealthfoundationaruba.com y nan lo wordo informa e periodo cu lo por haci esaki. Pa keda na altura di e desaroyonan di Oral Health Foundation Aruba por bishita nan website www.oralhealthfoundationaruba.com y nan pagina di Facebook.