OM: Niun indicacion di husticia di klase di na Sint Maarten

PHILLPSBURG - Ministerio Publiko (OM) Sint Maarten no ta trata politiko na un manera diferente ku nan ta trata e siudadano normal. Esei ta e konklushon mas importante ku e Raad voor de Rechtshandhaving (a kontinuashon: e Raad) a saka na okashon di e investigashon pa ku posibel hustisia di klase dor di Ministerio Publiko Sint Maarten. Rason pa e investigashon tabata e veredikto di Korte di Prome Instansia den e kaso yama “Masbangu”, kaminda e wes a husga ku Ministerio Publiko, pasobra di e desishonnan tuma, a duna e impreshon di hustisia di klase. Den apelashon, Korte Komun a konklui kaba ku e huisio aki ta inkorekto i a anula e veredikto di Korte di Prome Instansia. Awor Raad tambe ta yega na e mesun konklushon.

FACTORNAN DETERMINANTE

E Raad ta indika ku tin diferente faktor ku ta kontribui na un selektividat forsoso den e aserkamentu di kasonan penal. Un faktor hopi bistoso ta e Ordenansa Nashonal riba persekushon di outoridatnan politiko na Sint Maarten. E Ordenansa Nashonal aki ta pone pa OM Sint Maarten limitashon dor di esaki ta pone minister i parlamentarionan den un otro posishon huridiko i ta haña privilegio kompara ku ‘e homber komun i koriente den kaya', asina Raad ta konklui. Raad ta konstata ku e forma aki di selektividat i desigualdat no por wordu benta riba OM i ku OM ta hasi todo posibel pa denter di kuadro di lei atkeri prueba den kasonan penal kontra sospechosonan ‘high profile’.

INFLUENCIA LIMITA

Un rason por lo menos mesun importante pa e selektividat aki ta e influensia limita di e kadena hudisial na Sint Maarten, esaki segun e Raad. Dor di e falta di kapasidat den Kuerpo Polisial di Sint Maarten, Landsrecherche i Ministerio Publiko mester, mas ku ta deseabel, establese prioridatnan pa ku rastrea i persigui echonan kastigabel. Faktornan manera e gravedat i demostrabilidat di e kaso i e durashon i komplehidat ta importante den esei. E nivel aktual di e kadena hudisial na Sint Maarten ta soru ku por tuma un kantidat limita di kaso. Esaki ta kousa ma den komunidat i ta aporta na e formashon di e imahen ku Ministerio Publiko Sint Maarten lo ta aktua di un manera selektivo i no-desididu, segun e Raad ta afirma.

SIGUI COMUNICA

E raad ta konseha Ministerio Publiko pa sigui komunika i duna informashon di un manera mas aktivo na komunidat. Ministerio Publiko ta rekonose e nesesidat aki i lo sigui empeña su mes pa ku esaki. Ministerio Publiko por uni nan mes ku e konklushonnan di e Raad i ta di akuerdo ku e rekomendashonnan hasi na Minister di Hustisia dor di e Raad.