Periodista di Amigoe ta skirbi buki multicultural: We are Aruba

ORANJESTAD - Aruba ta un cocktail di hende y cultura. E ingredientenan ta para garantia pa combinacion sorpresivo y interesante di smaak, holo y colo. Autor Linda Reijnders, periodista di e corant “Amigoe” a expone otro nacionalidad riba e isla den e rubrica Aruba Cocktail semanalmente pa dos aña consecutivo cu a resulta den un serie impresionante cu potret cu ta lanta bo imaginacion. Un bista peculiar di e comunidad y cultura colorido, poni hunto den un buki cu ta keda publica tanto na Hulandes como na Ingles.

ENTREVISTA 

Señora Reijnders a entrevista mas di setenta habitante di e isla, entre otro e doño di e scol di salsa Colombiano, Basel Sabbagh di Syria, e consul di Israël y e kitesurfer di Slowakije Branislav Rafaj. Di mes e buki ta cuminsa cu un bista den e cushina di un señora Arubiano. Impulsa pa su interes personal y pasion pa hende y cultura e autor ta tuma e lesado na su man y ta recori e isla cu ne pa medio di combersacion fascinante: E cuentanan personal, e salida di su propio pais y e speransa riba un futuro nobo.

WE ARE ARUBA

We Are Aruba ta un buki pa lesa y pa mira aden. E potretnan y ilustracionnan ta papia pa nan mes, mescos cu e cuentanan yen di amor skirbi pa Reijnders. E buki bunita diseña aki ta un documento cu nos por mishi cu ne cu ta duna un imagen hopi bunita di e pueblo Arubano y su multiplicidad. E autor ta hopi gradici na e sponsernan di e buki; Prins Bernard Cultuurfonds, Unoca, Ministerio di Turismo, Transporte, Sector Primario y Cultura, ATA, Atsa y Amigoe. E version na Hulandes ta obtenibel for di awor na entre otro libreria Plaza Bookshop, Bruna, De Wit y Van Dorp (Mainstreet Oranjestad, Vandorp Dakota & aeropuerto).E bukinan na Ingles ta na benta for di fin di october na e mesun librerianan y tambe na otro luga di benta manera hotel. Na Hulanda We are Aruba ta wordo ofreci riba e website bol.com, scholtenuitgeverij.nl y otro canal di benta. Pa mas informacion tin un facebookpagina We Are Aruba y email: wearearuba74@gmail.com.