- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
Caft por observa, conclui, conseha pero no por pidi nada
ORANJESTAD – Mientras cu gobierno a procesa e puntonan di preocupacion di College Aruba Financieel Toezicht (Caft) den e concepto final di e presupuesto 2016, -entrega siman pasa diahuebs na gobernador, Raad van Advies y e propio Caft-, gobierno a sigura NoticiaCla.com un biaha mas cu ‘e colegio no tin nada di pidi’. Minister encarga cu finanzas Angel Bermudez a sigura e website aki cu e colegio ta solamente ‘observa, conclui y e ta conseha’. “A base di e conseho ey, nos tambe ta bay evalua si nos tin cu adapta of nos tin cu procesa of nos tin cu comenta riba dje”. Cu esaki, e mandatario ta mustra di no ta desvia di su declaracionnan anterior riba e tema aki. Esey no ta kita afo cu Bermudez ta admiti cu gobierno a procesa e 5 puntonan di Caft den e presupuesto.
REDUCCION DI PERSONAL
Un di e puntonan cu Caft ta haci mencion, ta cu no ta mira e reduccion di personal manera cu e lo kier ta aworaki. E mandatario ta sigura sinembargo cu esey ta un proceso cu ta andando. “No por lanta un dia y bisa cu nos ta kita mil hende di trabou pasobra bo ta crea un otro problema den bo comunidad”. Nan forma di atende esaki, ta poco poco, den forma structural, bahando e cantidad di trahado di gobierno. E ta mustra cu a baha gasto di personal di gobierno cu 50 miyon den ultimo 3 añanan total y ta bayendo pa e obhetivo, y kier yega e total di reduccion di 90 of 100 miyon na final di 2017 of 2018. E forma con kier y a logra esaki ta cu un personeelstop y un VUT regeling cu aworaki un biaha mas a keda activa pa november y december. Asina tin tambe mas cambio.
RELATO DI CAFT RIBA PRESUPUESTO 2016 DI ARUBA
Segun Caft, basa riba e cifranan difundi, Caft kier mas clarificacion y aclaracion, pa por realisa e deficit di 2,0% di e PIB. “E medidanan menciona mester wordo substancia, cu conceptonan di ley y splicacion numeral."
LISTA DI RECOMENDACION
Manera a bira custumber, Caft ta presenta su lista di resultado y recomendacion basa riba e loke cu nan a analisa di e concepto di presupuesto 2106. Y cu esaki ta presenta un 5 punto cu nan kier pa gobierno tene cuenta cune y tuma como conseho.
No por haci un ‘coneccion’ entre e medida di consolidacion, for di e asina yama ‘speerpuntennota’ y e concepto di e presupuesto. Como tal ta sugeri pa bin cu un idioma mas cla pa splica kico e medidanan ta pa 2016 cu ta genera mas entrada of cu lo crea mas reduccion di gasto. Caft ta di opinion cu mester ta mas cauteloso cu e proyeccion multianual. E aumento di entrada proyecta na 6.4% no ta realistico y Caft ta sugeri como tal pa reduci esaki te na 3.5%. E reduccion di gasto di personal proponi (6 miyon) di cual 4 ta di contribucion di e doño di trabou, no ta suficiente den e reduccion proyecta di e caminda di mehoro di 90 miyon. Caft lo kier un splicacion adicional di e medida riba tereno di personal, y con esaki ta presenta den e presupuesto. Caft ta conseha den e presupuesto pa tin un forma pa por crea un fondo pa confronta cierto risiconan manera algun companianan di gobierno cu ta sufriendo, y prestamo estudiantil, segun e rapport anual di Algemeen Rekenkamer di 2014. Finalmente, Caft a señala cu e poder di resistencia di Aruba, no tey, of ta nihil, y cu e saldo negativo fin di 2014, ta suma total di 2.4 biyon. Como tal ta sugeri pa crea un puesto ‘imprevisto’ di 1% di e suma, cu ta 13 miyon, pa fortifica e resistencia y of cubri posibel garantia y ‘claims’.