ATA: Cla pa laga Jerry Seinfeld bishita Aruba y bebe koffie

ORANJESTAD - E raportahe riba NoticiaCla.com awe di e comediante mericano Jerry Seinfeld comparando Aruba cu koffie, a hala hopi atencion awe. Mayoria hende a mira e articulo como algo positivo pa Aruba y ademas un propaganda impagable pa Aruba. Hasta oficina di turismo di Aruba a tuma nota di e articulo y no a perde tempo pa twist e den algo positivo pa nos isla, cu tur su consciencia positivo cu e por tin. Su CEO Ronella TjinAsjoe a confirma na NoticiaCla.com cu mesora nan a tuma accion y ta spera cu enberdad Seinfeld bin Aruba, y cu ATA lo ta mas cu dispuesto pa yuda cu esaki. 

POSITIVE SPIN

"Despues di a tuma nota den NoticiaCla.com di e hecho cu Jerry Sienfeld a haci un comparacion entre un vacacion na Aruba y un kopi koffie cu amigo, ATA su equipo di PR y social media di biaha a haci uso di e hecho cu el a referi na Aruba pa compronde mas tras di e comparacion y e pregunta cu el a contesta un periodista" TjinAsjoe a bisa NoticiaCla.com.  Segun e CEO, ta asina cu e pregunta ta relata na un programa cu e tin unda e ta bebe koffie cu amigo/a nan famoso. ATA di biaha a post lo siguiente riba facebook, twitter y instagram: Dear Jerry Seinfeld: why choose one or the other? Enjoy a trip to Aruba and cup of coffee on us ;-). ATA ta hasi uso di momentum asina ki riba rednan social mas biaha y ta probecha di trece coneccion nan asina dilanti cu ta creativo y ta hala atencion.