Bermudez: Presupuesto 2016 no ta irealistico!

ORANJESTAD - "Si mi no a haya e presupuesto (2016) realistico, mi lo no a firm'e" ta e reaccion na NoticiaCla.com diabierna merdia di e conseho di College Aruba Financiee Toezicht (Caft). E colegio di supervision a mustra cu nan ta considera e presupuesto entrega 'irrealistico' y 'mucho ambicioso'. Mientrastanto e mandatario a confirma tambe cu e presupuesto completo a keda entrega diahuebs na gobernador, Raad van Advies y Caft pa e proceso di scrutinacion cuminsa. E mandatario a confirma tambe cu e 5 puntonan cu Caft a pone den su conseho, ta 'verwerkt' den e presupuesto. Esey no kiermen cu tur loke Caft pidi, nan ta haya. E ta compronde e pensamento di Caft, pero ta considera nan observacion como 'conservativo'. 

FALTA DI INFORMACION

E hecho cu Caft ta critica cu falta informacion y cu no por saca e bista completo afo, no ta pasobra gobierno no kier duna e informacion, sino cu nan simplemente no tin e informacion. Motibo ta falta di personal, informacion y otro asuntonan cu ta simplemente dificulta gobierno di keda cla cu tur e informacion. Pero ta haciendo lo maximo pa toch cumpli cu e informacion di e miho forma posibel. Mas informacion na caminda.